Tu Thla Hla Thim: Kupmaw, Kupmaw Tanbosai

A phuahtu- Cung Lian Thawng
A satu- Van Lal Mang & Tei Cung

Say . . . Hello . . . my close friends . . . ladies and gentle men . . . come on . . .)

(Iangngei bik, ai dawh bik ngaknu pakhat ka ngei,
Ho nu nih an iang lo kei ca ai dawh bik ko,
Keimah hi leicung ah mi vantha bik ka si ko lai.)2

(Ngaknu tlangval vial te hna duhmi nan ngei cio ko lai,
Nan duhmi hna cungah khan i dawt a nuam bik…)2

(Iangngei bik, ai dawh bik ngaknu pakhat ka ngei,
Ho nu nih an iang lo kei ca ai dawh bik ko,
Keimah hi leicung ah mi vantha bik ka si ko lai.)2

A-Aungsan ram hruaitu
B-Bible ca rel lengmang
C-Con Bik pa ral tha
D-Deirel arfi ceu
E- Ei le din thazang ca
F-Facang cin cio uh
H-Hring dildel kan Lairam…kan Lairam, kan Lairam, kan Lairam, kan Lairam

(Iangngei bik, ai dawh bik ngaknu pakhat ka ngei,
Ho nu nih an iang lo kei ca ai dawh bik ko,
Keimah hi leicung ah mi vantha bik ka si ko lai.)2

(U doubledouble kan le paw . . . datsu ka ti mahadia kuku ka ti zara dum)2

(Iangngei bik, ai dawh bik ngaknu pakhat ka ngei,
Ho nu nih an iang lo kei ca ai dawh bik ko,
Keimah hi leicung ah mi vantha bik ka si ko lai.)2

(Kup maw kup maw tanbo sai, sai lo sai lo kup rih lo)4

(Iangngei bik, ai dawh bik ngaknu pakhat ka ngei
Ho nu nih an iang lo kei ca ai dawh bik ko,
Keimah hi leicung ah mi vantha bik ka si ko lai.)2

(Kup maw kup maw tanbo sai, sai lo sai lo kup rih lo)3

(Iangngei bik, ai dawh bik ngaknu pakhat ka ngei,
Ho nu nih an iang lo kei ca ai dawh bik ko,
Keimah hi leicung ah mi vantha bik ka si ko lai.)2

(U doubledouble kan le paw . . . datsu ka ti mahadia kuku ka ti zara dum)2

Tu Thla Hla Thim: Kan Ram Dawh

Hring dildel in kan lai rawm dawh te hi,
Tikhing ring thankawng fiak fai rawk nih,
Thing hluai mim borh cung in lung an hlau e,
Khua di zam ro mei nih maw chil chial.

Kik zil thinhnem te nih hrang siar mar in e,
Kan lai ram ho tal nih iang kho hnga maw.
Bawipa thuachuah mi kan ram dawh te,
Vun ruah ah liamcia caan hna lung an hlau.

Kan Lai ram dawh, aa dawh khun ko,
Kan semnak kan ram aa dawh khun ko.
Kum le caan hna thil sining aa mer lengmang bang,
Lei cung thil si ning hmu kho ding in (seino zuam u sih)

Thinghliam par tha hna nih an dawh ter chin,
Dingdi, vau rawng, chokhlei, senri an enn.
Lengle val no tlang cung kehthei hrawn le,
Thingtal raam sah kal le ti nga hring dawi.

Firuk ceu hluan ee dei rel fi di tangah,
Maw zunrim thlum ti zu bang par an cuan,
Leng le val no bih zun thlai mai in ee,
Cawm kuang erh len paih buan ser hna maw.

Ral tha vakok nu ngei kho tu ral tha,
Lai ram dir kamh kho tu nan um lo maw.
An tlawn ram lian minthang luai mai in ee,
Mi van zoh chuk lai nan phang lo maw.

Sei no hna nih lung rual te in dir u sih.
Hring sor sor t u thla zaa kan cam piak uh.
Kan cung Pathian thluachuak pek mi ram dawh.
Sang chin ah cawi chin hngar len awk in.

Kan Lai ram dawh, aa dawh khun ko,
Kan semnak kan ram aa dawh khun ko.
Kum le can hna thil sining aa mer lengmang bang,
Lei cung thil si ning hmu kho ding in (sei no zuam u sih).

Cu bang hawi dawt ram lawng dawh lo in,
Kan miphun pi dawh ter tu si ding in zuam u si.
Lairam dawh te dawhter ding ah tuan vo kan ngei.
Kum le caan hna thil sining aa mer lengmang bang,
Leicung thil si ning hmu kho ding in (sei no zuam u sih).

Sei no hna nih zuam u sih, hawi dawt kan sawm.

Tu Thla Hla Thim

Nang Zuun Ngaih Ah Ka Hram Zungzal

Vairang ca cawn ruang ah hin maw dawt khun nang he,
Kan ttian fah hi ka hraam riangmang tintling cung ah,
Nang zuun ngaih ah tluangdang in le ka hraam zungzal,
Ttawh cia par bang ka uai fah hi tuar har khun e.

Na zuun a caam kei siangttaang ah ka hraam tawn maw,
Nu lo va bang danghraam fah hi, maw zeitin hen;
Kan danghraam lai kaa nawl kho lo, nang he tthen hi,
Sia nu-fa ttaang an tthen hna bang ka tuar kho lo.

Kan leen nak tlang nehbuar kai lai ka ruah zawn ah,
Nau bang ka ttap, ka thin mei bang a lin tawn e.
Nehzuun khirh tal um te hna maw ti lawng kaa nawl,
Ttuan zong zuam lo ka hraam riangmang tintling cung ah.

Lungkil kaa nawl nang ton lai nak maw zeitik hen,
Lungrawn khua hi khirh um te hnga ti lawng kaa nawl,
Vanva bang khin zuan thiam ning law nitin zan tiang,
Dawtmi sin ah ka zuang tawn hnga vawlei dongh tiang.

Tlang cung faar paak um mi te bang ka uai fah hi,
Nang zuun ngaih ah, vun ruat ve hmanh, ka tuar ko e.
Ton tthan nak caan cung Pathian nih kan bawm hraam seh,
Samthlairemte nang zuun ngaih ah ka hraam zungzal.